Desde final di Februari y comienso di Maart 2020, ora cu inicialmente a observa cu COVID-19 lo eventualmente bira un pandemia na un nivel mundial, Laboratorio Medlab Aruba a percura y a tuma e stapnan necesario pa segura cu tin capacidad di test necesario y obtenible na e comunidad di Aruba incluyendo departamento di cuido y salud como practica di test normal pa cu enfermedad contagioso.

Dia 17 di Maart 2020, Departamento di Biologia Molecular a logra na implementa e proceso di PCR test pa cu COVID-19 exitosamente. Sigui pa 2 di April 2020, Laboratorio Medlab a continua y a realisa loke ta ser yama un “inter-laboratory comparison”. Esaki ta ensera ora tin comparacion di resultado entre dos laboratorio abase di un muestra. Por a conta cu diferente obhetivo entre otro comparacion y evaluacion di test entre dos laboratorio tanto local como internacional.

E comparacion di resultado a ser presenta y discuti y por a conclui cu e resultado ta uno valido. Esaki ta significa cu Laboratorio Medlab Aruba ta complimenta y ta cumpli cu e conformidad di validez di parti tecnico di e processo PCR 2019 SARS-CoV-2.

Adicionalmente, exitosamente por a sigui cu comparacion di muestra suministra dor di RIVM (Hulanda) dia 23 di April 2020. Por a conta cu resultado satisfactorio como tambe 100% den concordancia, sensibilidad, y specificacion di e test.

Tur esaki ta significa cu e Departamento di Biologia Molecular di Laboratorio Medlab Aruba tin e capacidad di suministra test di PCR n-SARS-COV (COVID-19) cu ta cumpli cu e “gold standard-testing” sigui pa un “same day turnaround” y disponibilidad di por cumpli cu e test 24/7.

E laboratorio ta ofrece apoyo maximo na nos departamento gubernamental , sector publico, sector priva, organizacion medico y otro negoshi, como tambe otro lugarnan caminda cu nos servicio ta ser rekeri.

Pa mas informacion por tuma contacto na +297 586-1600, +297 592-0709, email [email protected], of Facebook Laboratorio Medlab Aruba.