ORANJESTAD (AAN)- Cu un poblacion cu ta crece cada dia y tambe un cantidad di pashent cu ta bira mas, e presion riba dokter nan y otro dunado di cuido ta bira dia pa dia mas grandi. Logra haci seguimento na un historia clínico di un pashent cu e resultado nan tradicional riba papael a bira un trabao basta complica, mas tanto pa pashent nan cu ta acudi frecuente serca nan dokter y nan file ta basta grandi.
MEDLAB, ta e unico laboratorio na Aruba cu ta certifica bao norma ISO 9001:2008 y acredita ISO 15189:2015, ta gelink cu e programa Promedico di tur dokter di cas. Esaki kier men cu e resultado ta jega na dokter su computer na e mesun dia atardi. Awendia mundo ta birando wowo pa gasta menos papel, pa bira mas consciente cu medio ambiente y resultado nan on-line ta un step hopi importante pa contribui cu esaki.
Un resultado riba papel por wordo perdi, loke ta nifica tardanza pa analisis di dato y tumamento di decision. Resultadonan den papel ta uza mas espacio den oficina nan pasobra mester tin un archivo y di mas espacio pa warda tur e papel nan.
Beneficionan pa e dokternan:
- Ora un resultado ta den un formato electronico e ta standariza, lesabel y lihe pa consulta
- E informacion ta uza menos espacio pasobra e ta keda warda den un server
- Acceso na e resultado 24/7 loke ta refleha ganamento di tempo pa e consulta
- E practica di dokter ta funciona di manera mas simple y sigur
- E practica di e dokter ta concentra mas riba e problema nan di e pashent y no den registro nan y tempo pa organiza e file nan
- E oficina di dokter ta bira mas eficiente y duna un miho servicio na nan pashent nan
Beneficionan pa e pashentnan :
- E tempo di atencion pa e pashent ta bira menos, si e resultado ta jega serca dokter e mesun dia atardi
- E comunicacion entre dokter cu e pashent lo bira un contacto mas efectivo pa mihora su pronóstico.
Salud ta un derecho di tur individuo y cu e implementacion di e conexion aki, Laboratorio MEDLAB ta sigui demostra su compromiso pa cu e salud di población di Aruba.
Pasobra …. “Bo salud ta merece e miho”….