Ora un cliente ta trece un keho pa dilanti, di un of otro manera e ta duna e compania un oportunidad pa bira miho. Un keho of un reclamashon no por wordo ricibi di un manera negativo of manera algo personal entre bo persona y bo cliente. E ta un oportunidad pa mira den kico nos ta faya y asina e servicio bira miho dilanti bo cliente y dilanti e competencia.

Awendia, e cliente no ta jega dilanti nos manera nos tabata costumbra, esta e persona mes , awor tin otro medio, manera e social media, web page y otro recurso nan on-line. Pa es motibo ey un compania cu kier mihora constantemente mester pone na disposicion di su cliente nan tur metodo posibel pa e persona accede na e compania sin cu e mester ta presente.

Si un cliente no ta satisfecho cu un servicio, e por tuma diferente decision: Na prome luga, keda sin bisa nada, tambe e por pone un keho dilanti un entidad oficial (manera un oficina publico di keho) of e por comenta cu un amigo of miembro di su famia kico ta molestie, y pa ultimo e persona por keha cu bo empresa. Esey lo ta e opcion mas conveniente pasobra asina so nos tin oportunidad di drecha e problema y conserva nos cliente.

No tur empresa ta duna keho e importancia cu merece, tin biaha nan no kier asumi e responsabilidad, y te hasta algun biaha nos a jega di tende expresion manera: ‘si no ta gusta e por wel di bay otro caminda” esey ta un actitud totalmente sali for di sla.

MEDLAB Aruba, como un compania certifica ISO9001 y acredita ISO15189 cu ta sigui e standard internacional y ta zorg pa e satisfaccion di su cliente nan como un pilar fundamental, e maneho di keho y sugerencia ta enmarca den e politica aki:

“ Mihora di manera continuo e proceso de maneha y soluciona keho y sugerencia di e servicio nan presta, pa facilita un solucion obhetivo y efectivo di e keho nan, door di aplicación di standards nan internacional cu lo permiti aumenta e fidelidad y satisfaccion di nos cliente” Pa MEDLAB su satisfaccion ta importante por fabor laga nos sa si bo persona no ta satisfecho, nos kier hacie bon”
Un elemento hopi importante pa exito di un compania ta e satisfaccion di cliente cu e organisacion, cu su producto nan y servicio, door di esey ta necesario midi y hasi seguimiento di e satisfacshon di e cliente pa logra un confiansa di e cliente cu nos servicio.

Nos kier trece dilanti di un manera cortico kico MEDLAB Aruba ta haci cu un keho of reclamacion di un cliente:

Na prome luga: ricibimento di e keho: Esaki por bini di diferente fuente, manera surveys, directamente na recepcion, prik post, of via medio nan electronico of social media. E quality officer ta skirbi (documentacion) e keho cu tur e data necesario

Reconocemento di e keho: Tin un comunicacion cu e cliente (sea na telefon of skirbi) pa lague sa cu e keho a wordo ricibi y ta gradici e cliente di a tuma su tempo pa keha mesora ta splica e cliente cu esaki ta sirbi pa logra un mehoracion di e servicio.

Evaluacion y investigacion di e keho: Tin un comite di keho cu ta consisti pa diferente miembro di e compania y pa un miembro externo, pa evalua e keho y verifica esaki ta haci un analisis pa mira ki factor nan of recurso a duna origen na e keho, evaluando e impacto di esaki, mirando e consecuencia nan potencial si ta poco, modera of severo.
E responsabel di esaki ta percura pa genera e solucion pa e keho.

E laboratorio tin un tempo maximal stableci di 72 ora pa soluciona un keho of te hasta 6 siman dependiendo di e magnitud di esaki.

E responsabel di e proceso ta zorg pa e solucion ta wordo aplica.

Respuesta y comunicacion di e decision: E persona encarga ta evalua si e solucion ta efectivo y ta informa e cliente pa valora si ta satisfecho cu e solucion di e keho y e seramento di esaki . Si e cliente no ta satisfecho e keho ta keda habri y e persona cu a pone e keho mester wordo informa di e alternativa nan interno y externo disponibel.

E compania ta sigui haci follo wup di e keho te ora tur e alternativa nan razonabel a wordo agota.

Ora e keho a sera e compania ta comunica verbal of di manera skirbi na e persona cu a pone e keho e medida nan toma pa evalua si tin satisfacshon pa cu esaki y sera e keho definitivamente.

Ta bon pa aclaria cu cualkier persona of cliente ta conta cu e derecho di trece dilanti un peticion keho reclamo of sugerencia.

Pasobra a bo ta merece e miho.