Un test di laboratorio ta samina muestranan di sanger, pishi y cualkier otro tehido di curpa humano. Un laborant ta analisa e muestra pa determina of haya sa si e resultado ta dentro di un rango normal. Pa bira un laborant e persona mester studia cinco anja di educacion superior (Universidad) pasobra su trabao ta uno hopi serio y importante pa cu e salud di hende.

E testnan ta uza un rango di balor cu ta wordo yama normal ya cu ta varia di un persona pa otro dependiendo di diferente factornan cu ta afecta un resultado di un test. E factornan aki ta sexo, edad di e persona, kico e ta come y bebe, e remedinan of medicina cu ta bebe y si e persona ta sigui e instruccion nan cu mester sigui prome cu e ta bay tuma sanger.

Loke dokternan ta haci hopi biaha pa por duna un seguimiento ta compara e resultado cu es nan prome pa haya si e persona su testnan ta mescos of nan a cambia.

Test nan di laboratorio ta forma parti di un rutina pa detecta cambionan den salud di un persona, tambe ta yuda pa diagnostica algun malesa, planifica un tratamento y ta sirbi como un herment pa tin enfermedadnan cronico bao control.

Ta hopi importante pa un pashent sa cu mester scohe un laboratorio cu ta traha bao di standards internacional y tin implementa tur e punto nan di control necesario pa sigura cu henter e proceso ta wordo hiba di un manera adecua.

Laboratorio MEDLAB Aruba ta conta cu certificacion ISO 9001 y acreditacion ISO 15189 bao di norma nan internacional pa duna tur su usuario nan e trankilidad cu nan test ta wordo haci pa un instancia serio y responsabel.

Laboratorio Clinico na Aruba:

E testnan ta wordo haci na un laboratorio clinico cu ta un luga unda profesional nan y tecnico nan ta analisa e muestranan biologico . Den laboratorio ta wordo uza diferente tecnologia den diferente ramo manera Chemie, Hematologia, Immunologia, Microbiologia y awendia es nan mas avansa ta conta cu departamento di Biologia Molecular.

 

Den e area di Hematologia e test mas comun cu ta wordo haci ta loke ta wordo yama cuadro hematico completo unda e hemoglobin, sanger blanco y cora di e pashent ta wordo conta.

Den area di Chemie ta wordo haci testnan di rutina masha frecuente mes manera sucu, cholesterol, urinezuur, test di creatinina pa riñon etc. Tambe ta wordo haci test di pishi cual ta un test hopi importante, no solamente pa balora e riñon di e persona, pero tambe ta sirbi pa yuda evalua otro organonan y tambe ta haya sa si tin algun infeccion.

Microbiologia ta check e pupu y otro muestranan pa haya sa si tin parasito nan of algun otro infeccion.

Den e parti di Immunologia ta determina si e persona por tin algun anticuerpo y otro testnan pa evalua e sistema inmunitario of di defensa di un persona.

Tambe ta haci hormonas pa valora e sistema endocrino y testnan di marcador di tumor cu ta testnan cu ta subi ora tin algun proceso tumoral di diferente sorto di cancer y su evaluacion durante e tratamento.

Tin laboratorionan cu ta cana mas dilanti den tecnologia, manera Laboratorio MEDLAB Aruba y ta conta cu departamento di biologia molecular unda ta wordo haci test cu PCR pa diagnostica mas lihe y precies di malesanan por ehempel causa pa virus y bacteria.

Manera nos por mira tin testnan pa casi cada un di e organonan di curpa y ta hopi importante pa hende sigui e instruccionnan adecuado pa asina e test su resultado ta uno cu ta midi di manera corecto e estado di salud di hende.

E laboratorio clinico ta ubica den e prome piso di un edificio of un hospital, pasobra ta rekeri un acceso facil pa ricibi pashentnan cu hopi biaha ta yega den rolstoel.

E laboratorio mester wordo ubica den un luga cu cerca di consulta externo , urgencia, terapia intensivo y sala di operacion. MEDLAB Aruba ta conta cu infrastructura necesario pa atende pashent nan discapacita y tin politica nan stableci pa duna nan pashent pediatrico of es nan 60+ un trato prioritario.

Pasobra Bo Salud ta Merece e Miho.