ORANJESTAD (AAN) – Den un paso importante pa reforsa e sistema di cuido di salud riba nos isla, Laboratorio Medlab y Laboratorio di Servicio a uni forsa den un colaboracion cu ta trece hunto dos di e nombernan mas respeta den diagnostico di laboratorio na Aruba.
E aliansa aki ta basa riba un mesun vision: ofrece servicio di resultado rapido, di confiansa, y mas accesibel pa e comunidad. Door di combina experencia, tecnologia moderno y capacidad di dos laboratorio, ta yuda na crea un red mas directo cu e red di dokter, spesialista, y pashentnan.
Kico e colaboracion aki ta significa pa Aruba
- Mas test disponibel: Pashent y profecional di salud por cumpli cu un lista mas amplio di testnan cu ta inlcui, analisacion di sanger, microbiologia, diagnostico molecular, entre otro.
- Operacion mas eficiente: Ta alinea sistema y logistica pa e proceso di colecta y entrega di resultadonan bai mas lihe.
- Mas accesibilidad: E union ta permiti e dos laboratorio pa habri na oranan mas amplio y sirbi mas districto di Aruba.
Ambos MedLab y Laboratorio di Servicio tin hopi aña di confiansa y experensia den nos comunidad. Aunke tur dos ta continua na opera na un manera independiente, e colaboracion ta pone enfoke riba comparti conocemento, unifica protocol, y pone e pashent na prome lugar.
Ta keda cu e enfoke pa posiciona Aruba como un di e hubnan di excelencia medico den region Caribense. Colaboracion nan manera esaki ta asegura cu e calidad, cuido, y comunidad ta keda e base di nos sistema di salud.
Trahando hunto, nos por sirbi e comunidad mas di cerca.
