Laboratorio clinico ta yuda den diagnostico y desicion medico, pa motibo cu mas cu 70% di desicion medico ta basa riba resultado di prueba di laboratorio. Pa garantisa un nivel halto den calidad y confiansa, e ta un deber como laboratorio pa conta cu un acreditacion ISO 15189, un standard internacional specifico pa laboratorio medico.
Kico ta ISO 15189?
E acreditacion aki ta evalua tanto e sistema di maneho di calidad como e capacidad tecnico di un laboratorio, pa asegura cu resultado di prueba ta corecto, consistente y confiabel.
Pakico Acreditacion ISO 15189 Ta Importante”
- Ta Asegura Resultado cu Precision y di Confiansa
Un laboratorio cu ISO 15189 ta opera na un nivel halto di presision. E ta fundamental pa dokternan y spesialistanan cu ta depende di e testnan pa hasi diagnostico corecto. - Ta Crea Confiansa den Pashent y Profesionalnan di Salud
Acreditacion ta mustra compromiso cu excelencia. Pashent por tin mas confiansa den e laboratorio, y profesionalnan por conta riba un resultado confiabel. - Ta Stimula Mehoracion Continuo
ISO 15189 ta exigi revision y mehoracion continuo di proceduranan. Esaki ta pone cu e laboratorio ta sigui optimalisa su servicio. - Ta Habri Porta pa Reconocemento Internacional
ISO 15189 ta reconoci mundialmente. Un laboratorio acredita por traha cu otro institucionan internacional y hasta contribui den turismo medico. - Ta Yuda Maneha Riesgo
Cu enfoke riba control di calidad y prevencion di erornan, e standard aki ta yuda minimalisa posibilidad di fayo den diagnostico. - Ta Facilita Cumplimento Normativo
Hopi autoridad di salud y asegurado ta referí of exigi laboratorio cu ISO 15189. E ta facilita cumplimento cu ley y regla.
Conclusion
ISO 15189 ta mas cu un acreditacion, e ta un compromiso cu calidad.
