Noord Lab Center NV dba MEDLAB a haya su Re-Certificacion bao di Norma ISO 9001:2015

Noord Lab Center NV dba MEDLAB ta sigui consolida su mes como un laboratorio cu standard di calidad hopi halto na ARUBA

Na e luna aki, Noord Lab Center NV dba MEDLAB a ricibi e certificacion ISO 9001:2015 for di e prestigioso organizacion British Standards Institution.

Noord Lab Center NV aki a haya su certificacion pa prome biaha na anja 2007, den e tempo ey e certificacion a tuma lugar bao di norma ISO 9001:2000 y dor cu e certificado tin un validez di tres anja, e laboratorio a sigui mantene y mehora su sistema di calidad y di e manera aki despues di un proceso di auditoria hopi intesivo a logra re-certifica bao di e norma nobo, esta ISO 9001:2008. Y aworaki a logra move satisfactoriamente y recertifica bao ISO 9001:2015. E laboratorio aki no no solamente ta conta cu Certificacion ISO 9001:2015 tambe e ta Acredita bao di e standard ISO 15189:2012, di manera cu ta e unico laboratorio na Aruba y den henter area di Caribe cu ta sostene un Certificacion yun Acreditacion cu norma nan ISO.

Certificacion ISO 9001 ta garantisa cu un empresa a implanta un Sistema de Calidad cu ta efectivo pa sigura cu su producto of servicio ta cumpli cu loke e cliente tin mester.Tur norma ISO ta keda sigui constantmente un revision cada certo tempo pa evita cu nan ta keda obsoleto. E ISO nobo aki 9001:2015 ta presenta un enfoke preventivo dor di analisis di risico y oportunidad. A nace diferente concepto manera e contexto di organizacion –si nos tene na cuenta e concepto di globalización cu ta afecta tur empresa sea chikito of grandi-. E norma aki ta acerca e organizacion dunando mas importancia na un maneho integral. Tur persona implica den e Quality Management System ta rekeri oranan di formacion y studio algun menos cu otro pero tur hende mester sigui esaki.

Den un mundo asina competitivo ta importante pa conta cu’n garantia cu ta certifica e calidad di un institucion of compania. Calidad ta un criterio cu ta wordo scohi door di un negoshi cu finalidad di mehora su procesonan operativo y su servicio. E idea di kico kier men un servicio di calidad ta varia pasobra e ta un criterio hopi subhetivo, ey nan ta unda norma ISO 9001 ta drenta y ta hunga un rol hopi importante.

Un certificacion ISO 9000 ta indica cu compania ey a implementa un sistema pa garantiza cu e producto of servicio ta cumpli constantemente cu normanan internacional di calidad.

E certificado cu ta bisa c’un empresa ta cumpli cu normal ISO 9001 solamente por wordo emiti pa un organismo de certificacion acredita. Den e caso di Noord Lab Center NV dba MEDLAB a wordo scohi British Standard Institution BSI cu ta un pionero na nivel mundial. BSI ta un di e companianan mas grandi di certificacion rond mundo. BSI a wordo crea na United Kingdom 117 anja pasa y ta stableci na 172 pais, nan ta juda rond di 80 mil cliente pa haci di excelencia un habito y un costumber.

Nan ta entre e organismo nan di certificacion di quality management system mas respeta rond mundo y nan mes ta acredita pa 20 acreditation bodies internacional entre nan: ANAB di Merca, UKAS di Inglaterra, CNAB di China, INMETRO di Brasil, JAB di Hapon.

Pues conta cu un certificacion emiti pa un empresa manera BSI ta un orguyo y satisfaccion na un esfuerzo constante y un trabao duro.

E implementacion di un Quality Management System ta crea un disciplina y cambio di actitud den tur e personanan involucra.

Pa un compania sostene tanto un acreditacion como un certificacion ta trece cune un compromiso hopi grandi tanto di empleadonan paden di e compania como di e compania pa cu e comunidad. P’esey Noord Lab Center ta sigui traha duro pa sigui mantene su control di calidad di tur su testnan de e miho manera posible, ta focus hopi riba mejoramiento continuo di su procesonan pa satisface e clientenen cu tur su rekisitonan y ekspectativanan.

Noord Lab Center dba MEDLAB ta traha profesionalmente pa duna su pashentnan e miho servicio y asina cumpli cu tur nan expectativannan, no solamente di e pashentnan, pero di nan famia tambe.