Desde 2021, Laboratorio Medlab, operando bao di Yagua Health, orguyosamente ta ofrece servicio di laboratorio clinico na Instituto Medico San Nicolas (ImSan). Un instituto renombra cu ta conta cu acreditacion di Joint Comission International JCI. Laboratorio Medlab, despues di cuater aña, ta celebra di por continua na provee sosten den cuido diagnostico di calidad halto na e comunidad local como internacional. Como parti di e servicio di cuido integra di ImSan, Laboratorio Medlab ta ofrece prueba di laboratorio cu acreditacion internacional di ISO 15189 desde 2008, pa e area di San Nicolas y bisindario.
Excelencia desde principio
Situa na e piso principal di ImSan, Laboratorio Medlab ta provee sosten na tur departamento cu ta inclui; Dialisis, Eerste Hulp, y O.K. Cu suministracion di resultado preciso y rapido na pashentnan di AZV, como tambe pashentnan internacional cu mester di cuido na ImSan. Cu un ekipo profesional, y cu un sistema fuerte di control di calidad, Laboratorio Medlab ta compromete cu muestra y resultado di confianza y precision
Sosteniendo e compromiso di ImSan pa cu cuido integral
Laboratorio Medlab tin un papel vital den e modelo di cuido multidisciplinario di ImSan, cu ta provee sosten den deteccion tempran y monitoreo di tratamentonan estableci na e pashent. Sea cu cumplimento di prueba di sanger rutinario, diagnostico specialisa, of prueba urgente, Laboratorio Medlab ta yuda sostene y sigura cu e servicio di cuido ricibi ta uno eficiente, accesibel, y centralisa riba e pashent.
Servicio accesibel cu un toke personalisa
Laboratorio Medlab na ImSan ta un laboratorio cu ta opera 24/7 durante full aña. Cu mayoria di e resultadonan rutinario ya disponibel riba e mesun dia, y ta wordo manda directamente na e mediconan. Pashentnan tambe por solicita e opcion di cumpli cu e servicio di laboratorio na cas, esta “Thuisprikken”, un servicio cu ta facilita e pashent of familiarnan cu coleccion di muestra di laboratorio den comfortabilidad di e pashent su cas.
Fortaleciendo cuido medico na San Nicolas
E presencia di Laboratorio Medlab na ImSan ta trece cu’ne un balor agrega na e sistema di cuido medico di Aruba, por medio di reduci tempo di biahe pa e pashent, provee asistencia na acelera diagnostico y/of tratamento, y ta facilita colaboracion entre prome linea (Dokter di Cas) y di dos linea (Specialista). Tur esaki ta contribui na un proceso di cuido mas eficiente y miho resultado pa pashentnan p’ariba di brug.
Tocante Laboratorio Medlab
Desde 1991, Laboratorio Medlab ta lider den innovacion den laboratorio diagnostico na Aruba, ofreciendo investigacion di laboratorio di calidad halto cu presicion y cuido. Cu orguyo, Laboratorio Medlab ta sirbi e pashent di AZV, pashent priva, companianan local y profesionalnan den cuido medico cu un gama completo di test rutinario y avansa.
Cu diferente ubicacion strategicamente situa rond di nos isla, e laboratorio ta sigura cu e servicio ta keda semper uno accesibel. Ta di menciona cu e laboratorio ta ofrece servicio di tuma muestra directamente na cas “Thuisprikken” na pashentanan cu pa un motibo of otro no por bishita un di nos ubicacionan. Asina ta keda percura na provee servicio di calidad halto di laboratorio cu ta facilita acceso den cuido di salud.
Laboratorio Medlab ta wordo reconoci pa e conocemento y experencia den metodologianan di test avansa, cual ta provee resultadonan preciso y di confiansa pa asina contribui y duna sosten na un miho cuido di salud na e comunidad.
Bishita www.lab.aw pa mas informacion.
