Nos ta contento di informa cu e ABO-Kaart ta haciendo transicion pa un formato digital.
Kico ta un ABO-Kaart? E ABO-Kaart ta carchi digital cu ta indica resultado di bo grupo di sanger (A, B, AB of O) y factor Rh. Un resultado cu ta ser determina via un test di laboratorio segun analysis di sanger.
Como parti di e actualisacion aki, e carchinan fisico di ABO-Kaart ta descontinua y no lo wordo emiti mas como standard; di awor en adelante, e pashent lo ricibi nan ABO-Kaart digitalmente pa acceso facilita y seguridad.
Kico esaki ta nifica p’abo?
- Bo ABO-Kaart lo wordo manda digitalmente.
- Bo por habri y warda esaki directamente riba bo telefon of aparato digital.
Apoyo pa Nos Comunidad Adulto Mayor
Nos ta compronde cu no tur hende tin acceso facil of ta prefere usa instrumentonan digital. Pa e motibo aki, lo tin excepcion pa persona adulto mayor y algun otro caso unda apoyo adicional ta necesario.
Den e situacionnan aki:
- E carchi digital por wordo imprimi y lamina pa crea un version fisico.
- Esaki ta asegura accesibilidad mientras cu nos ta sigui move den direccion di servicio digital.
Dicon e cambio aki?
Entrega digital ta yuda nos:
✔ Mehora comodidad y accesibilidad
✔ Ofrece un experiencia mas eficiente y sostenible
Masha danki pa bo comprension mientras cu nos ta introduci e sistema nobo aki di entrega digital pa bo ABO-Kaart.
Pa preguntanan of asistencia, por tuma contacto cu nos na 5861600, WhatsApp 5975544, of via [email protected].
